(كيف انها قدامـــــــــــــــــــــي ..... علي ما جرى من هول عين الدامي .....ما انسيتها)

كيف انها ياســــــــــــــــــــــــــايل ،،،،، قدامي مع ما بينا من حايــــــل .
بعيد الجبا سبحان ياهو جايــــــــل ،،،،، وهو مقيم في وطنه ونا بمقامي .
وثاري الغلا بين القلوب دلايــــــــل ،،،،، وفاهق يحرك في لسان الكامـي .
ويا ويل من شكع في مزن فرقى طايل ،،،،، وبين الغوالي قص عرقا نامـــي .

كيف انها هيــــــــــــــــــــــالي ،،،،، معاي دوم في حلي وفي ترحالي .
عيون المجدي في خلاه الخالي ،،،،، وداير شواهيق الحجوف مرامــــــي .
إن جاء عندنا ماتقول غايب والي ،،،،، وإن غاب يا ولد طامي علينا طــامـي .
وعارف يجدن والعزيز اقبـــــــالي ،،،،، صيورهن مع طول السنين آلامــــي .

كيف انها بالعـــــــــــــــــــــاني ،،،،، معاي إن سهيت تقول ياني ياني .
ونا زاد ما اسرع مارجح ميزاني ،،،،، وزفن بناديري وفج حمامـــــــــي .
علي ذكرها بالله لاتنهـــــــاني ،،،،، مانك اللي مليوع ياجرامـــــــــي .
وشروط الغلا لاتقول فيهن واني ،،،،، واحكام الغلا تهمه بلا محـــــامي .

كيف الدواء يا اولافــــــــــــــــــــي ،،،،، اطاول مع طول السنين اريافي .
كميته غلاكم في ذراي الخافي ،،،،، وعدن رجاء مفتوح طول ايامـــــــي .
ويقولوا الناس الصبر ع المتعافــي ،،،،، ولا دجاه في ضرب الحديد الحامي .
وقولي النقاع العكر يصبح صــافي ،،،،، والصبر طيب والمراد قســـــــامي .
وديمه تكون اقرب لهن م الشـــافي ،،،،، نحلالة ابواب الغر ع المتعافـــــي .
وإن كان بالجفا ودي يريد يكــــافي ،،،، يفسر مع طول المدى حلامــــي ¤

ابعدك مانهار اركحن .. برواحهن اللي برواحهن .